المصيبه ماتتوب

أتركه ... خله في حاله
والهوى .. مالك وماله
ماتشوف شلون صارت حالتك ياقلب ... حاله

أدري انك مهتويه
وادري انك ترتجيه
وادري أنه لاوعدك .. تروح تركض .... تحتريه

وادري مجنون بهواها
وادري ماتلقى بحلاها
بس لو تركد شويه ...مو كذا ... على عماها

وش تسمي شخص باعك
شخص يسعى ... في ضياعك
شخص ماقدّر هواك
ولهفتك له .......... واندفاعك

قلت لك خله ... وروح
دام باقي فيك روح
وانت أصلاً منت ناقص ...
هم ... وألام ... وجروح

قلت لك هذي لعوووب
وش تبي فيها .... تذوب
ماسمعت ورحت يمها
والمصيبه ....... ماتتوب

قلت لك ماراح ينفع كبريائك
قلت لك ماراح يوصلها ندائك
وكنك اللي ماسمع
وشوف وش سوى .... غبائك

شكرا لك على الموضوع الجميل والرائع