Ramy Osman
عضو فعال
 دَولتيّ : 
 مَزآجي : 
 مشآركآتيَ : 130
 نقاط التميز » : 391
 عمريّ : 26
 سّجلت فيَ : 11/05/2014  الجِنسْ : 
 |  موضوع: دويدة أم الذبان 2014  الإثنين مايو 12, 2014 1:34 pm | |
| هاك الواحد والواحد الله في سماه العالي إلا هاك الأخوين اللي رازقهم الله حلالن تسثير,, عندهم نخل وبقرتين مدري ثلاث وجصة تمر ويالله من فضلك ,, واعرسوو ذا الأخوين ماشالله بس ما راد الله لهم الذرية الواجدة تخبرون منول الله يعظم أجرهم أمراض وشقا يولدون قوبل بس ما يحييون عيلانهم يفطسون يا صخونة ياجدري ياهَلتس,, مير ويكتب الله انه واحدن من ذا الأخوين يغدي عنده بنت والأخو الثاني يغدي عنده ولد,, والحمد الله والشكر ويتفقون ذا الأخوين إن البنت تصير لولد عمها حيث إن حلالهم ما يروح لحدن غريب,, المهم ويقدر الله ويموت أبو البنت ياحلالي وهي توها صغيره وقال العم لام البنت تسانتس تتعرسين منيب معيين عليتس بس بنت اخوي ما يربيها غريب أبخليها عندي.. مير وتعض على شحمه ذا الأميمة وتصبر حيث إن بنيتها صغيرة.. بس ماش ذا الخطاطيب قاموا يكثرون عليها وهي ودها تعرس ويجيها زود عيلان,, وجاه واحدن أجودي وتحسفت به قالت الشكوى لله أبعرس واخلي عمها يربيها ولاهيب ضايعتن إن شاء لله معه,, المهم أعرست الأميمه وقعدت ذا البنية اليتيمة عند عمها. عاد تخبروون ياعمري عمر اليتامى صح أنها محشومة ووش حليل مريت عمها بس ولوو مافيه اهتمام ولاهيب تكد شوشتها قوبلها طايره وقوبل خشمها يسرب ويييبس ولاتمشه,, وهدومها شاسفه من الوصخ,, وغدت الذبان تدودي عليها من الطمالة اللي فيها ولاهيب تهشهن مخليتهن وولدعمها مغير تزكرته اميمته يامال الجنه وتطيبه وتمولسه غادن يلق تسنه قرطاسة,, وغدا كلن ينادي ذالبنيه دويده ام الذبان ياحياة الشقا :( وولد عمها مغير يتطنز بها ويدقمها ومايبي يلعب معها تحوم تسبده ولد بن خيخي عقب كمن سنه كبرت البنيه وتغطت وبدت تهتم في نفسها وتتزين وتتسبح وتمش خشمها لامنه سرب,, ووغدت طربت الطرايب مملوحتن ملحن يشق الوجه :) بس ولد عمها للحين ماخذن فكره عنها إنها تحوم التسبد وعييا يبي يعرس عليهاا يقول مابقى إلا هي أعرس على دويده ام الذبان,, جابوه منا منا بس يابسن رويسه مايبيها الضعيفة وهي خاقتن عنده ودها به ماتبي تروح لحمولتن غريبه ماتدري وش سنعهم بس مالله اراد ويكتب الله انه يخطبها واحدن شقردي وجايزن للعم ووافق عليه,, وفي يوم العرس قعدت ذا البنية تمشط رويسها وتتحنى وتدق الديرم,, وغاااااااديتن تهول الملا من زيينن فيها ومغير يقرون عليها الورد لاتنظل,, عاد جاء لمها عمها يبي يحاتسيها ويعلمها شلون تحشم رجلها وتطيعه لامنه اومرها,, وفي هالحزه دخل ولد عمها مدرعم مادرا ان فيه احد مييييير ويفق خشته !!!!!! انسبه من ذا الزين اللي شاف وطارت بوهته وراح يطمر ينشد أمه من ذي اللي مع ابوي؟؟ قالتله هذي دويده ام الذبااان !!!!!!!!!!!!!!!!!!! هئئئئئئئئئئئئئئئئئئئ شهق وضاع الحتسي معد يدري وش يقول تحسسسسف بها هالحين توه يفطن لزينها بس معد يمدي خلاص صارت حليلتن لرجالن اخر يوم جو يرحون المعاريس لبيتهم لازم يصير معهم موكب عشان يسايرونهم لين يوصلون ديرتهم ويتطمنون عليهم,,راح ولد عمها مع الموكب وهو طاقه الهم ومغتث ومحتر شلون يفرط فيها عاد وهم يمشون وقفوا عند روضه ومرو من حولهم غزلان,, وبدا يهيجن الضعيف يبي كود المعرس يوحيييه: يا طفيلات الريم يا شـرد المهـــا ................ سايلكم برب العرش وين تلفـون قالن طفيلات المها بصوت واحد ................ يسمعه من هو بالهـــوى مفتـون نلفي على شهـم كريـم مجــــرب................. لاطالبت الأشيــــاء عليـه تهـون لو تطلبـه بأعـز شــــــيء عنـده ................. يقـول تـم وماتبـــــــي مضمـون وجاه مراده واوحاه المعرس وجاء لمه وقاله هالحين انت وش تبي اطلب وانا تحت امرك.. قال أبي بنت عمي أنا أولى بها ..توه يذكرها يا مال الجزر :X المهم قاله العريس ولايهمك جاك ماتمنى ولايشاورونها ولاش تسنها كنمبل انطله للي يبيه.. وطلقها ورجعت مع ولد عمها وقعدت لين قضت عدتها واعرسوووووو :) وجابوو بنات واولاد وعاشو مع بعض لين جاء هادم الذات ومفرق الجماعات.. وكملت وحملت وفي اصيبع الصغير دملت.. | |
|
