يقولون ذاك الواحد والواحد الله في سماه العالي كل إبليس مخزيه الله.. وإلى ذاك الرجال اللي كل مرة يتزوج ويطلق يجلس مع زوجته عشر أيام بعدين يطلقها..وهذي حياته إلى أن جاء ذاك اليوم اللي سمع وحده وهو بالسوق تطل من بيتها وتقول إيه ما شاف خطافات الشوف وإلاما كان طلق ولامره!!
إيه الرجال سمعها وعرف بيتهم ومن بكرا راح لأهلها يخطبها..وفعلاً تزوجها وبعد عشر أيام قالها اسمعي يا بنت الحلال اجمعي أغراضك بوديك لبيت أهلك قالت له ليه؟ قال هذا أنا طبعي ما أجلس مع الحرمة أكثر من عشر أيام قالت شفت مني قصور؟ قال لا. قالت اسمع اطلب اللي تبي وإذا ما سويته لك طلقني قال خلاص لياني أجي بعد صلاة الجمعة إلا وأنتي بين السماء والأرض قالت أبشر..وفعلاُ جابت قدر الحاشي (الجمل) ودخلت مع عراوي القدر(مساكات القدر التي يحمل بها) خشبة طويلة ومدتها بين سطح بيتها وبيت الجيران وجلست داخل القدر!!
يوم جاء الرجال ويطق الباب مافي أحد فتح له قام وقفز من السور نادى ونادى على زوجته وفي الأخير سمع صوتها يوم طالع إلى فعلاً الحرمة بين السماء والأرض!! تعجب..ونزلها وقال ما توقعت انك بتصدقين وتسوينها فخلاص بتجلسين عندي, وجلست معه عشر أيام ويوم خلصت قالها يالله يابنت الحلال أجمعي أغراضك وامشي لبيت اهلك جلستي أكثر من غيرك أنتي أول وحدة تجلس أكثر من عشر أيام..قالت ليه ولا اطلع..أنت شفت قصور!؟ شفت شي!؟ قال لا والله..بس هذا طبعي.
قالت خلاص قل اللي تبي وأنا حاضره..عاد هو يبي يعجزها علشان يطلقها قالها شوفي أنا توني شاري حاشي أبيك تطبخينه من دون حطب قالت بس أبشر..وفعلاً جابت خرق قماش كثيرة مره كانت عندهم وولعت النار فيها وحطت القدر عليها وصار يطبخ من دون حطب يوم جاء الرجال ويشوف فعلاً والله اللحم يطبخ والأرض مره حارة بسبب حرارة الأقمشة..قال والله ماخليتي شي أجلسي عندي..وجلست معاه..
يوم انتهت العشرة أيام للمرة الثالثة ناداها وقال اسمعي يا فلانة مافي أحد سبقك من الحريم أنتي أول وحده اقعد معها هالمدة فانا أشكرك وهذا يدل على طيب أصلك وتربيتك.. لكن الشكوى لله هذا طبعي لازم أطلقك لكن اسمعي لك تاخذين اللي تبين من البيت معك..أغلى مالك في هالبيت خذيه..فأنت والله تستاهلين ماقصرتي معي أبد..الزوجة ما اعترضت يوم قالها كذا عكس العادة!! سكتت وقالت خلاص أبشر لكن عندي طلب..قال آمري قالت تسمح لي أجلس لين تنام بعدين اخلي أحد أخواني يجي ياخذني قال تم اللي تبين.
الزوجة هنا أرسلت لأهلها تطلب تجهيز وتنظيف أفضل وأجمل غرفة في منزل أهلها وهي غرفة السلاح تحتوي على الأسلحة والتحف غالية الثمن والذهب..وجلست الزوجة عند زوجها وما قصرت كل اليوم بخدمته وإسعاده..وفي الليل طبخت له عشاء دسم جداً وأخرت وقته علشان إذا نام ينام بعمق..وفعلاً نام الزوج بشكل عميق نتيجة الأكل اللي أكله وسهره على غير العادة..وقتها حضروا أخوانها كما اتفقت معهم وخذوا الرجال بهدوء إلى بيتهم ووضعوه في غرفة السلاح..وجلست زوجته عنده تنتظره يصحى.
الزوج ولإحساسه بالراحة نام إلى طلوع الشمس ويوم قام ويناظر ويناظر وش هالمكان الزين وش جابني..انتبهت زوجته له وجت عنده..قال يافلانه ويني فيه وش جابني؟؟ قالت أنت في بيت اهلي وفي أحسن مكان عندهم..قالت طيب ليش؟؟ قالت مو قلت لي خذي أغلى مالك في البيت والله ماعندي أغلى منك فوصيت أخواني وخذوك معي..قال إيه والله تحرم علي الحريم بعدك..سويتي فيني اللي ماسواه غيرك..
ورجع مع زوجته وكملوا حياتهم وجاءهم رزقهم من الذرية وجينا منهم ماعطونا شيء :)
دَولتيّ
مَزآجي
مشآركآتيَ
نقاط التميز »
عمريّ
سّجلت فيَ
الجِنسْ
موضوع: خطافات الشوف 2014 
الإثنين مايو 12, 2014 1:51 pm
