طريقة عمل البقلاوة بالمهلبية تحضير الجلاش الحلو بالمهلبية بالخطوات

طريقة عمل البقلاوة بالمهلبية تحضير الجلاش الحلو بالمهلبية بالخطوات
طريقة شهية وسريعة لعمل البقلاوة الجلاش بالمهلبية وممكن الحشو بالكريمه الخاصة بالحلويات

الجلاش بالمهلبية او البقلاوة

طريقة عمل البقلاوة بالمهلبية
وقت التحضير : 25 دقيقة
وقت الطهي : 30 دقيقة
 تكفي لـ 4 شخص

المقادير : لعمل البقلاوة بالمهلبية
 •علبة جلاش
•2 كوب لبن
•½ كوب نشا
•كوب زبدة سايحة
•فانيليا

 طريقةعمل البقلاوة بالمهلبية اوالجلاش
التحضير الجلاش بالمهلبية او البقلاوة بالمهلبية

1- لتحضير المهلبية، اخلطي اللبن مع النشا وذوبيهم مع بعض وضيفي عليهم الفانيليا، وحطيهم على نار هادية مع التقليب المستمر، لغاية ما الخليط يتقل معاكي، وبعد كده اطفي عليه النار وسيبيه يبرد.

2- افردي نصف كمية الجلاش في الصينية وبين كل ورقتين ادهني طبقة خفيفة من الزبدة، وبعد كده حطي المهلبية الباردة على الجلاش، بس راعي إنها ما توصلش للأطراف علشان ما تتحرقش منك.

3- رصي باقي كمية الجلاش فوق المهلبية وما تنسيش تدهني الزبدة بين كل ورقتين جلاش، وبعد كده قطعي الجزء العلوي من الجلاش بالطريقة اللي تحبيها بس ما توصليش بالسكينة لحد المهلبية علشان ما تطلعش لبره وتتحرق، وبعد كده ادهني وش الجلاش بباقي كمية الزبدة، ودخلي الصينية في الفرن وسيبيها لمدة 30 دقيقة أو لغاية ما وش الجلاش يحمر.

4- طلعي الصينية من الفرن وصبي عليها الشربات البارد.

5- لتحضير الشربات، اخلطي كوب سكر مع كوب مياه وعصير نصف ليمونة، وحطيهم على النار لغاية ما الخليط يغلي وبعد كده قللي درجة الحرارة وسيبيه لغاية ما الشربات يعقد، وبعد كده ارفعيه من على النار وحطي عليه الفانيليا وسيبيه يبرد.

وبالهنا طريقة عمل البقلاوة بالمهلبية او الجلاش بالمهلبية مطبخ حوريات